Fréttir

Malen Björgvinsdóttir sjúkraþjálfari hefur unnið hjá okkur í Orkuhúsinu í 60% starfi undanfarna mánuði. Það gleður okkur að tilkynna að frá og með 1.mars verður hún í 100% starfi hjá Sjúkraþjálfun Íslands. Malen verður 3 daga í viku í Orkuhúsinu og 2 daga í Kringlunni.

Sjúkraþjálfun Íslands er að fara af stað með mömmunámskeið þann 11.janúar nk. Þjálfun fer fram í Sjúkraþjálfun Íslands í Kringlunni frá 10.30-11.15 á þriðjudögum og föstudögum. Námskeiðið verður í 6 vikur og við bjóðum upp á pláss fyrir 10 konur, a.m.k. 6 vikum eftir barnsburð. Námskeiðið hentar konum með grindar- og mjóbaksverki í kjölfar meðgöngu sem og einkennalausum konum sem vilja vinna í grunnstyrk eftir meðgöngu. Börn eru velkomin með mæðrum sínum á námskeiðið. Ásamt styrktarþjálfun verður lögð áhersla á fræðslu um stoðkerfið og viðeigandi þjálfun eftir meðgöngu og fæðingu. Kennarar námskeiðinu eru sjúkraþjálfararnir Guðrún Halla Guðnadóttir, Nadia Margrét Jamchi og Þórdís Ólafsdóttir. Tekið er á móti skráningu í netfangið gudrunhalla@sjukratjalfun.is með fullu nafni og kennitölu.

Þann 1.september n.k. hefur Rúnar Karl Elfarsson sjúkraþjálfari störf hjá okkur. Hann lauk B.Sc. prófi í sjúkraþjálfun frá HÍ vorið 2017. Rúnar Karl hefur starfað á bæklunarskurðdeild Landspítalans frá því að hann útskrifaðist og til dagsins í dag. Ásamt því að starfa þar sem sjúkraþjálfari hefur hann komið að klínískri kennslu fyrir sjúkraþjálfaranema á Landspítalanum frá 2019. Árið 2017 starfaði hann einnig hjá Hreyfingu við hjólaþjálfun og hjá Hjólaþjálfun árin 20017-2019. Rúnar Karl kemur til með að starfa í Kringlunni og bjóðum við hann velkominn í okkar hóp.

Þann 1.september n.k. hefur Hilmar Þór Hilmarsson sjúkraþjálfari störf hjá okkur. Hann lauk B.Sc. prófi í sjúkraþjálfun frá HÍ vorið 2019 og síðan mastersgráðu í júní 2021. Hilmar er með B.Sc. gráðu í íþróttafræðum frá HR sem hann lauk árið 2016. Þá hefur hann starfað sem íþróttafræðingur/sjúkraþjálfari á Hrafnistu á sumrin á timabilinu 2017-2021. Hilmar hefur starfað sem sjúkraþjálfari með meistaraflokksliðum í körfubolta og knattspyrnu frá árinu 2018. Í reglugerð heilbrigðisráðherra um endurgreiðslu vegna sjúkraþjálfunar kemur fram að endurgreiðslan nær ekki til viðskiptavina sjúkraþjálfara sem hafa minna en tveggja ára starfsreynslu. Skjólstæðingar þeirra munu því ekki njóta niðurgreiðslu frá Sjúkratryggingum Íslands. Því mun Hilmar Þór starfa utan greiðsluþátttökukerfis stjórnvalda. Hilmar Þór kemur til með að starfa í Kringlunni og bjóðum við hann velkominn í okkar hóp.