12. Apr 2013
Leikið er gegn Wales, N-Írum og Færeyjum. Mótið fer fram í Cardiff og á Sjúkraþjálfun Íslands fulltrúa í hvorum hóp. Rúnar starfar með karlaliðinu og Tinna með kvennaliðinu. Mótið hjá strákunum stendur nú yfir og líkur á sunnudag. Stelpurnar fara síðan af landi brott á mánudag og koma til baka föstudaginn 19.apríl. Við óskum hópunum góðs gengis.
5. Apr 2013
Það fara þrír landsleikir fram um helgina þar sem sjúkraþjálfarar frá stofunni koma við sögu. Á morgun mætir kvennalandslið Íslands í knattspyrnu því sænska í Vaxjö í Svíþjóð. Svala er sjúkraþjálfari liðsins. Á sama tíma er Guðrún við störf í Portúgal þar sem U19 kvenna í knattspyrnu leikur gegn Finnum en það er leikur í milliriðli EM. Báðir þessir leikir fara fram kl.15:00 að íslenskum tíma. Á sunnudag eru síðan strákarnir í karlalandsliðið í handknattleik í sviðsljósinu þar sem þeir etja kappi við Slóvena kl.16:00 í Laugardalshöll. Þar verða Elís Þór og Pétur við störf.
4. Apr 2013
Íslenska karlalandsliðið í handknattleik vann góðan sigur á Slóvenum nú í dag 28 - 29 í undankeppni Evrópumóts landsliða. Pétur Örn er sjúkraþjálfari liðsins í þessu verkefni eins og svo oft áður. Við óskum íslenska hópnum til hamingju með sigurinn og góðrar heimferðar.
21. Mar 2013
Íslenska karlalandsliðið í knattspyrnu mætir Slóvenum á morgun í undankeppni HM. Sjúkraþjálfararnir Friðrik Ellert og Stefán eru staddir með liðinu í Slóveníu en þeir hafa starfað með því í töluverðan tíma. Við hvetjum alla til að fylgjast með leiknum og óskum liðinu góðs gengis. Áfram Íslands.
14. Mar 2013
Elís Þór fékk rannsóknarstyrk frá Íþróttasjóði ríkisins vegna doktorsverkefnis sem hann vinnur að. Verkefni ber nafnið Álagseinkenni í handknattleik karla á Íslandi. Óskum honum til hamingju með styrkinn. Nánari upplýsingar um rannsóknina má finna undir liðnum "Rannsóknir" hér á heimasíðunni.
1. Mar 2013
Dagur sjúkraþjálfunar verður haldinn þann 8. mars 2013 á Hótel Hilton Reykjavík Nordica v/Suðurlandsbraut.  Tveir sjúkraþjálfarar frá Sjúkraþjálfun Íslands verða með fyrirlestra þar. Guðný Björg Björnsdóttir sjúkraþjálfari og M.Sc. í Manipulative Therapy fjallar um úthald og þreytueinkenni í beygju- og réttivöðvum háls hjá sjúklingum með líkamsstöðutengda hálsverki. Stefán Stefánsson  sjúkraþjálfari og meistaranemi í Hreyfivísindum við Háskóla Íslands mun kynna VISA-A spurningarlistann sem er mælitæki fyrir hásinavandamál. 
16. Feb 2013
Guðný Björg er komin til landsins eftir að hafa stundað nám í Manipulative Therapy við Curtin University of Techonology í Perth í Ástralíu. Hún lauk því námi árið 2008. Þaðan lá leiðin til Englands þar sem hún starfaði hjá Nuffield Health and Wellbeing árin 2009 til 2011. Hennar sérhæfing er greining og meðferð á háls- og bakeinkennum. Guðný hóf störf hjá okkur í september 2012 og við bjóðum hana velkomna í hópinn.
1. Feb 2013
Aníta S. Pedersen sjúkraþjálfari er komin aftur til starfa hjá okkur. Hún hefur búið í Svíþjóð undanfarin ár og lauk mastersnámi í íþróttasjúkraþjálfun frá háskólanum í Lundi árið 2011. Við bjóðum hana velkomna í hópinn.
20. Jan 2013
Elís Þór Rafnsson sjúkraþjálfari er staddur á HM í handknattleik með íslenska karlalandsliðinu. Hann hefur starfað með þeim undanfarin 10 ár og farið á mörg stórmótin. Hvetjum alla til að horfa á Ísland - Frakkland í dag kl.19:15. Áfram Ísland. 

Pages